Prøveløp med Lillruben i Bergen

I påsken skal eg heim på påskeferie. Det er montéløp torsdag 21.april, men der fekk eg ikkje oppsitt. På lista fann eg namnet mitt i montéprøveløp. Denne gongen skal eg testa Lillruben. Han var meldt i prøveløp på systera mi i desember, men vart strøket fordi han skada seg dagen før. Dermed er han meldt igjen. Håkon Hagebø Hauge eig han, og han plar kjøra hesten sjølv i løpa.

Lillruben er ein jamn og flink hest som har tjent 267 441 kroner på 70 startar. Totalt har han vunne 8 løp, fått 5 andre, 13 tredje og 24 øvrige plasseringar. I sin siste start fekk han tredjeplass. Lillruben er ein startrask hest. Han har rekordar på 1.17,2M og 1.14,3aK. Det er ein flott hest å sjå til, og eg vert ikkje overraska om han er ein fin montéhest. Han er halvbror til Delphis Lantern, altså med same far Smok'n Lantern, som har laga fine montéhestar som Alladin Tooma, Blitzie Sign og Bjørn Sign. Her er han saman med eigaren sin:




I tillegg til prøveløpet skal eg kjøra eit dameløp med Dobb Nalan. Me har fått førstespor bak startbilen.