NM startar med kaldblods

Sidan eg ikkje har bilete av Holt Gnist, får det bli eitt av Solberg Jela.

No er det ikkje mange dagane att til NM vert ridd i Drammen. Eg skal ri dei tre fyrste NM-løpa, så då skal eg få testa uthaldet. Det som gjer slike løp ekstra spennande, er alle dei ulike faktorane med hestar som får nye rytterar, og så blir det kanskje ridd litt annleis enn det gjer til vanlig. Så eg ser fram til lørdag.

Dagen startar med eit kaldblodsløp, der alle rytterane skal ri kvar sin hest. Eg skal prøva meg på ryggen til Holt Gnist. Han er ein erfaren montéhest, som har mange trippelplasseringar og sigrar under sal. Han har òg galoppert mykje i løp. I fjor vart han andre i det same løpet i monté-NM.

Ifølgje eigaren er han veldig pigg, og kan bli litt overivrig, noko som gjerne fører til at han galopperer. No har han hatt to månaders løpspause, der han har hatt nesten heilt fri i ein månad. Det har nok gjort han godt, og har forhåpentlegvis roa han noko ned. Han er behandla sidan siste starten, og eigaren fortalte meg at han pleier å gå godt etter pause. Så då får me håpa han har ein god dag, og at eg har god kjemi med denne herren.

Det er alltid spennande å prøva seg på litt spesielle hestar. Eg synest det er vanskelig å vurdera kor godt han kan gjera det, sidan han er så variabel. Dessutan står han svært dårlig inne, sidan han akkurat bikkar over på 60 meter tillegg, og i Drammen er det ikkje enkelt å henta. Eigaren seier at om eg klarer ri feilfritt, så går han alltid godt til mål.

Motstanden:
1. Songe Mai: Montédebutant. Vanskelig å vurdere, men ho går jamnt gode tider og har lite galoppar i travløp. Gjer ho det same med sal på ryggen, har ho ei fin oppgåve her.
2. Eos Turbo: Har gått to montéløp før, eitt utan premie og eitt endte i galopp. Har ny trenar no, og dei er dyktige, likevel er det kanskje mest realistisk med ein premie første gong ut.
3. Hønn Spik: Endå ein montédebutant som er vanskelig å vurdere. Har ifølgje resultatlista gjort mange gode løp, og har tatt to sigrar så langt i år. Kald rytter, så kanskje det kan vere ein trippelhest.
4. Lens Gutt: Den tredje montédebutanten i feltet. Ein flink hest som har vunnet tre løp og vore på trippelen åtte gonger på 23 startar. Står med brutt utan galopp i dei to siste løpa, så kanskje ikkje formen er den beste.
5. Stjerne Smell: Står med ein skral rad og mykje galopp. Kanskje monté kan vera løysinga? Kristine er veldig god å få fart på dei, men ut frå sulkyløpsresultata ser det ut som ein premiekandidat.
6. Valle Max: Gjekk sin montédebut 4.august. Leverte eit sterkt løp på rekorden sin 26,3. Forstår kanskje endå meir av kva det går i no, sidan han har fått eitt løp i kroppen. Han står fint inne, og er ein av vinnarkandidatane her.
7. Bol Odin: Imponerte meg stort då eg såg varminga hans på rikstoto direkte før løpet han gjekk 4.august. Såg skikkelig lekker ut. Gjorde eit fint løp til 2. plass då. Malin er veldig flink taktisk, så eg vert ikkje overraska om dei tek seg av dette løpet.
8. Jillborka: Har fine resultat å visa til i monté, og siger på ny rekord i sin siste sulkystart. Er ein av dei som kjemper om trippelplassane her.
9. Spang Express: Har vore litt opp og ned i travritt, men vann eit par løp på sommaren i fjor, deriblant eitt løp under monté-NM med Helene Kolle på ryggen.
10. Furderud Svarten: Starta i monté-NM i fjor, og vart nest sist i mål på 32,2 då. Har hatt ganske okei sulkyresultat den siste tida, så kanskje formen er betre no enn i fjor. Likevel er han nok på jakt etter premie her.
11. Neslands Tron: Har gått eitt montéløp. Fekk femteplass på 32,5 med galopp då. Har ikkje toppresultat så langt i år, men ein fin premie i feilfri utgave er nok innan rekkevidde.
12. Hugo: Er ein jamn og flink montéhest, men har ikkje levert dei beste resultata i det siste. Jakter nok premie her.
14. Kodran: God montéhest. Han har starta ni montéløp og vore blant dei fire beste i åtte av dei. Har Helene Kolle på ryggen denne gongen, og ho har ridd han før, så ho veit nok korleis ho skal ordna opp sjølv frå 80 meter tillegg. Er ein av dei som kjemper om sigeren.
15. Strikkeprinsen: Er ein veldig flink montéhest. Han har gått veldig mange gode løp og vunne mange travritt, men dei tre siste løpa står han som uplassert. I to av dei siste løpa har han galoppert. Det har han ikkje tid til frå 80 meter tillegg. Om han går feilfritt, og er tilbake i slag, er han god nok til å vera med i trippelkampen her.


Startliste:

Løp: 1  NM FOR MONTÉRYTTERE  (ca. kl. 13:15)

MONTÉLØP - NM FOR MONTÉRYTTERE For alle 5-15-årige. , for ryttere som er kvalifisert (se deltakere i Løpsbulletinen på side 52). 2100 m. Monté. Tillegg 20 m. for hvert vunnet 150.001 kr. Premier: 16.000-8.000-5.000-4.000-3.000-(3.000) kr. Samt 2 000 kr. til alle som fullfører. I denne proposisjonen unntas det fra bestemmelsene for kjøre- og riderettighet.
Kaldblods      Volte

Dist.	Nr	Hestens navn	Kusk	Inntjent	Volt	Auto
2100	1	Songe Mai	Amanda Robertsen	102.500	1.30,0v	1.28,1a
2100	2	Eos Turbo	Siv Emilie Løvvold	77.691	1.29,3v	1.29,1a
2120	3	Hønn Spik	Anita Valstad Hagmann	188.212	1.29,0v	1.26,2a
2120	4	Lens Gutt	Hilde Rogstad	231.313	1.27,6v	1.25,8a
2120	5	Stjerne Smell	Kristine Kvasnes	153.700	1.29,2v	1.29,1a
2140	6	Valle Max	Martine O. Sørvik	393.000	1.25,7v	1.26,3a
2140	7	Bol Odin	Malin Berås	379.209	1.25,5v	1.24,9a
2140	8	Jillborka	Josefine Eilertsen	363.646	1.26,1v	1.24,3a
2140	9	Spang Express	Maja Kanstad	348.063	1.27,4v	1.26,9a
2140	10	Furderud Svarten	Hege Kristin Høyland	357.413	1.26,1v	1.24,7a
2140	11	Neslands Tron	Johanne Ulrica Øveraasen	391.847	1.26,5v	1.25,8a
2160	12	Hugo	Benedicte Bjørnstad	538.044	1.25,4v	1.25,5a
2160	13	Holt Gnist	Charlotte Svendsen	467.000	1.26,1v	1.28,5a
2180	14	Kodran	Helene Kolle	635.964	1.23,7v	1.24,8a
2180	15	Strikkeprinsen	Louise Vebostad Trudvang	740.017	1.24,1v	1.24,7a