Gjesteoppsitt på Lantern

Eg har vore svært heldig og fått eit veldig spennande gjesteoppsitt på Lantern. Han er ein meget flink montéhest. På seks montéstartar har han ein siger, fire andreplassar og ein femte. Femteplassen kom i montéløpet under Forus Open-søndagen. Der gjekk han sin montérekord på 1.13,4aK. Løpet me skal ut i er voltestart over 2100 meter, og me står på 40 meter tillegg. Det raskaste Lantern har gått på mellomdistanse er 16,2. Det er Brit Lea som har ridd han i alle løpa han har gått. Dette er ein veldig spennande hest, og ein artig sjanse å få. Løpet er sponsa av Hennig Olsen Is, og gjev eit års forbruk av is til sigrande rytter og trenar av vinnarhesten.

Innmeldingslista til dette løpet var overraskande positiv, 16 hestar var melde. Dessverre valde mange å prioritera andre oppgåver, og me enda opp med eit felt på ni hestar. Eg var i utgangspunktet meldt på Sweet And Deliberate, men då eg fekk tilbod om å ri Lantern, følte eg at det var ein sjanse eg måtte gripa. Det er sjeldan ein har mogelegheita til å ri så fine hestar.

Dette er 4.løp, altså V5A-3. Mange kan vinna. Tre av deltakarane avleverer sin montédebut; Match Girl, Håson og Max Stensbæk. Den siste går det store ord om, og Håson har eg personleg god tru på er ein fin montéhest, så dette vert spennande. I tillegg gjestar News Wind Bergen igjen, forrige gang enda det med siger, og Mette kan vel reknast som Bergensekspert snart. Ron Keeper viste flott form i sitt løp under Forus Open-søndagen. Sandy Boy har òg vist at han kan i monté. Så det vert spennande kven som trekk det lengste strået denne gongen.

Startliste:


Løp: 4 Montéløp (ca. kl. 19:15)
Montéløp Varmblods. 4-12-årige, åpent for alle montelisenser.2100 m. Monté. Tillegg 20 m ved vunnet 40.000 kr., 40 m ved 150.000 kr., 60 m ved 320.000 kr., 80 m ved 700.000 kr.Premier: 14.000-7.000-4.000-3.000-2.500-(2.000) kr.
Varmblods Volte V5-3 Dist. Nr Hestens navn Kusk Inntjent Volt Auto
2100 1 Match Girl Linda Elisabeth Larsen 16.000 1.21,1v 1.19,1a
2120 2 Sandy Boy Lene Rotneim 143.100 1.17,3v 1.16,4a
2120 3 Håson Stine-Beate Hjartholm 107.982 1.17,6v 1.14,9a
2120 4 Kiss Me Quick Charlotte Matre 114.700 1.16,9v 1.15,3a
2140 5 Aramis T.K. Julie Mari Eikås 192.250 1.15,8v 1.15,1a
2140 6 Max Stensbæk Renate Aarlie 164.313 1.16,0v 1.15,3a
2140 7 Lantern Charlotte Steine 266.100 1.15,9v 1.13,4a
2160 8 News Wind Mette R. Nyløkken 570.069 1.16,9v 1.13,5a
2160 9 Ron Keeper Caroline L.B. Morken 653.532 1.14,9v 1.12,7a