Siger med Spika

På torsdag starta eg montéløp med Rei Spika, som me eig sjølve. Me hadde 40 meter tilegg over 2100 meter. Denne gongen fekk eg ein fin start med ho, og var straks framme hjå strekhestane. Inn på den fyrste svingen overtok me teten. Eg fekk Spika til å gå då me kom til tet, så me haldt tempoet oppe. Fyrste 500 meterane passerte me etter 1.28. Opp til første 1000 meter hadde me auka til 1.27. Spika gjekk framleis godt i tet, og me var framleis urørte. Inn på siste langsida venta eg på at Nøkle Pål, som var i ledarrygg, skulle angripa, men han kom ikkje. På oppløpet gjekk han ut i andrespor, men nærma seg ikkje. Spika var sprek og fin i travet ned oppløpet, og avgjorde greit til ein enkel siger på flote 1.29,1. Ho fungerte veldig flott, og var spenstig i travet heile vegen. Det var 14 000 kroner i førstepremie, og Team Knapskaug sponsa blomar og dekken. Dette var Spika sin andre siger i karrieren, begge har ho tek med meg på ryggen. Denne sigeren var veldig etterlengta, og det var ubeskriveleg deileg å sjå at ho var tilbake i godt slag. Ho var rett og slett god.